• إية هى مكتبة الطالب ؟ و إزاى هتستفيد منها ؟ و اتعملت لية ؟ لو عايز تعرف اكتر عن المكتبة دوس هنا
  • كتاب سامى بوك فى مادة الفيزياء كامل لطلاب الصف الثالث الثانوى للمدارس اللغات
  • لو تحب تتابع المكتبة و يجيلك اخر اخبار بالتحديثات النزلت فيها على التويتر دوس هنا
  • لو عايز تتابع المكتبة و يجيلك اخر اخبار بالتحديثات النزلت فيها على الفيسبوك دوس هنا
  • كتاب الوسام فى اللغة العربية لطلاب المرحلة الثانية المراجعة النهائية و ملخص الدروس و كل الاسئلة المتوقعة ثمنة 20 جنية هنا مجانا

0 نبذة عن المكتبة



  •   دليل الطالب المطحون , عبارة عن مكتبة لكل الطلبة و خصوصا طلبة الثانوية العامة (المطحونين) الطلعان عينة فى تصوير ورق الدروس و الكتب الخارجية و كتب المدرسين و المراجعات إلخ توفر لة كل الكتب و ورق المدرسين من غير تعب ولا ارهاق ولا تصوير ولا فلوس و تكون معاة فى اى وقت

  •  بشكل عام هو مساعدة طالب الثانوية العامة بأى شكل و محاولة تسهيل جزء بسيط من الواجبات الوراة
    -- بمعنى !!
    تسهيل موضوع تصوير الورق من المدرسين, او شراء الكتب منهم احيانا, و شراء الكتب الخارجية و المراجعات النهائية و المراجعات الشبة نهائية و التوقعات المرئية و ملخصات الاسئلة و ملخصات المناهج و بنوك الاسئلة و كتب نماذج الوزارة إلخ , عن طريق تقديم الكتب او الورق للطالب على شكل ملفات على الكمبيوتر يقدر يستخدمها فى اى وقت و من غير تعب تصوير او يشترى حتى كل الكتب دى الـ بيدفع فيها فلوس قد كدة و فى الاخر بيرميها ولا اكنة كان بيعمل بيها حاجة

  • فكرة المكتبة : مستوحاة من طالب ثانوية عامة سابق كان مطحون لمدة سنتين فى الدروس و الورق و الكتب و استغلال المدرسين التفضل طول السنة وراهم بتشترى منهم كتب و ورق و فى اخر السنة يديك ورقتين يقولك هم دول المنهج , من نفس الطالب الـ لمدة سنتين فضل ينزل و يدور على كتب خارجية من شبرا للفجالة عشان يشتريها بمبلغ محترم و فى الاخر يرميها , هو هو نفس الطالب الكان نفسة يلاقى الثانوية العامة دنيا بسيطة اكتر من كدة و مش مليانة استغلال مدرسين ولا فلوس و كتب بتترمى على الفاضى

  • شايف واحد واقف ورا و بيسأل مش دا يبقى غلط عشان ممكن يكون بشكل ما محاولة لتدمير اقتصاد البلد و دخلها الرئيسى من الكتب الخارجية و تصوير ورق و تدمير ايضا دخل المدرس الـ بياكل عيش من الورق دا او الكتب دى الـ بيبيعها للطلبة ؟
    احب اجاوب و اقول للـ اخ الـ سأل السؤال دا ان التعليم مش وسيلة للتجارة لكن مع الأسف حاليا بقى كلة بيدور حول البيع و الشراء و كيفية بيع الكتب او الورق للطالب ال نفسة يجيب مجموع , و اصبح استغلال لاهم فترة فى حياة الشاب هو و اهلة عن طريق انهم يدفعوا معظم دخلهم على اولادهم للمدرسين او فى الكتب الخارجية , فـ المدرس ماينفعش ينسى هدفة الرئيسى و شغلتة الاساسية الهى .. مدرس ... مش تاجر , و إن الهدف الرئيسى و الحقيقى هو نشر العلم و تسهيلة و تخفيف الضغط من على طالب العلم دا مش استغلالة مهما كانت قدرتة المادية
    ===> شايف بردوا اتنين قاعدين قدام هنا عمالين يوشوشوا بعض و واحد بيقول للتانى اكيد الموضوع فيه إن اكيد المكتبة التعامل معاها مش بالبساطة دى
    احب اقول بردوا للاخ دا ان التعامل مع المكتبة مباشر جدا و هو انك تدخل على السنة الدراسية بتاعتك و بعدين المادة بعدين تنزل الكتب او الورق ال انت عايزة او المتاح قدامك و من غير لف ولا دوران ولا اطلب منك تعمل Like لمية صفحة ولا تعمل اى حاجة فقط كل البطلبة منكم هو نشر المكتبة على قدر الاستطاعة عشان الفايدة تعم اكبر عدد من الطلاب

0 التعليقات:

إرسال تعليق

 
مكتبة الطالب © 2011 | :